काठमाडौँ महानगरपालिकाका मेयर बालेन साहले लखेटेका सहसचिव बसन्त अधिकारीलाई गृहमन्त्री रवि लामिछानेले काखी च्यापेका छन्। महानगरको प्रमुख प्रशासकिय अधिकृत हुँदा अधिकारीले किर्ते गरेको ठहर सहित बालेनले उनलाई अपमानजनक ढंगले धपाएका थिए। 

तत्कालिन गृहमन्त्री नारायणकाजी श्रेष्ठलाई तारन्तार अधिकारीलाई थुन्न भनेका बालेनले किर्तेपछि महानगरमा हाजिर हुनै दिएनन्। महानगरबाट सरुवा भएपछि मधेशी आयोग पुगेका अधिकारी गृहमन्त्रालयमा सरुवा मिलाउन सफल मात्र भएनन् राम्रै ठाउँ हत्याए।

बालेनका कुरा रविलाई लगाएर अधिकारीले विश्वास जितेको गृह मन्त्रालयकै एक सहसचिवले बताए। केही महिनापछि उनलाई काठमाडौँको सिडिओ बनाउने भनेर रविले बचन दिएको उनको सचिवालयका एक सदस्यले तोकादेशलाई बताए।

बालेन र रविको सम्बन्ध राम्रो छैन। एकले अर्काको अस्तित्व स्विकार्दैनन्। 

काठमाडौं महानगरपालिकामा स्वास्थ्य प्रवर्द्धन केन्द्रमा करारका कर्मचारी करारमा भर्ना गर्दा किर्ते गरेर सरुवा भएका अधिकारीले रवि लामिछानेबाट अभयदान पाएका हुन्। बालेनले लखेटेका बसन्तलाई रविले राष्ट्रिय विपद्‌ जोखिम न्यूनिकरण तथा व्यवस्थापन प्राधिकरणको चाबी दिएका छन्।