काठमाडौंमा बिहीबार साँझ चर्को हावाहुरी चलेको छ । चट्याङसहित हावाहुरी चलेपछि काठमाडौं आइरहेका आन्तरिक तथा अन्तर्राष्ट्रिय उडान प्रभावित भएका छन् ।

चट्याङसहित तीव्र हावाहुरी चलेकाले आन्तरिक तथा अन्तर्राष्ट्रिय उडानका जहाज डाइभर्ट र होल्ड गरिएको छ ।

त्रिभुवन अन्तराष्ट्रिय विमानस्थलका प्रवक्ता सुवास झाका अनुसार आन्तरिक उडानका केही जहाज डाइभर्ट भएका छन् ।

काठमाडौंबाट झापाका लागि उडेको बुद्ध एयरको जहाज अवतरण हुन नसकेर जनकपुर विमानस्थलमा पुगेको छ ।

झापाका लागि उडेको जहाजमा राष्ट्रिय प्रजातन्त्र पार्टीका अध्यक्ष राजेन्द्र लिङ्देनसहितका यात्रु थिए ।

भद्रपुरबाट काठमाडौं फर्किएको अर्को जहाज पनि त्रिभुवन विमानस्थलमा अवतरण हुन नसकेर जनकपुर नै पुगेको छ ।

उक्त उडानमा रहेका प्रतिनिधिसभा सदस्य लिङ्गदेन सामाजिक संजालमा राजेन्द्र लेख्छन्- 

के हुन लाग्यो ? झापा उडेको झापा अवतरण हुन सकेन। काठमाडौँ फर्केको काठमाडौँमा पनि अवतरण गर्न मिलेन अब जनकपुर रे ।