संघीय मामिला तथा सामान्य प्रशासनमन्त्री भानुभक्त जोशीसँग नर्वेका राजदूत तोरन ड्रामडालले आज शिष्टाचार भेटवार्ता गरेका छन् ।

सिंहदरबारस्थित मन्त्रालयमा भएको भेटमा आपसी सहयोग, द्विपक्षीय हितलगायतका विषयमा छलफल भएको मन्त्री जोशीको सचिवालयले जनाएको छ । भेटमा मन्त्री जोशीले राजदूत ड्रामडालको सफलताको शुभकामना व्यक्त गर्दै नेपाल र नर्वेबीचको सम्बन्धलाई जनस्तरमा प्रवर्द्धन गर्नुपर्नेमा जोड दिए ।

राजदूत ड्रामडालले दुवै मुलुकको विकास तथा समृद्धिका लागि सहकार्य गर्ने प्रतिबद्धता व्यक्त गर्दै सूचना प्रविधि तथा जलवायु परिवर्तनका क्षेत्रमा सहयोगको लागि विश्वास व्यक्त गरे।