सोसल मिडिया
युनिकोड
कोशी प्रदेशका लेखा अधिकृतहरू आन्दोलनमा उत्रिएका छन् । आन्दोलित कर्मचारीले आर्थिक मामिला तथा योजना मन्त्री राम बहादुर मगरलाई ज्ञापन पत्र बुझाएर ध्यानाकर्षण गराएका हुन् ।
प्रदेश निजामती ऐनले लेखा अधिकृतलाई विभेद गरेको गुनासो गर्दै प्रदेश तहका लेखा अधिकृतहरूले काम छाडेर आन्दोलनमा उत्रिएका हुन् ।
लेखा अधिकृतहरुको आन्दोलनका कारण कोशी प्रदेशका १४ जिल्लामा काम बन्दछ भने प्रदेश सरकारको खर्च शून्य छ । आर्थिक वर्षको अन्त्यमा लेखा अधिकृतहरू आन्दोलनमा उत्रिएपछि सरकारी भुक्तानी रोकिएको हो ।
ऐन संशोधन गरेर वृत्ति विकास न्यायोचित बनाउनु पर्ने माग गर्दै लेखा अधिकृत भोलानाथ नेपालको नेतृत्वमा लेखा अधिकृतहरूले आज मन्त्री मगरलाई ज्ञापन पत्र बुझाएका हुन् ।
