अर्थ मन्त्रालयको बजेट तथा कार्यक्रम महाशाखा प्रमुख भएका सहसचिव अख्तियारको नजरमा पर्न थालेका छन्। नेसनल पेमेन्ट गेटवे प्रणाली स्थापना र खरिदको निर्णयमा संलग्न भएको आरोपमा तत्कालीन बजेट तथा कार्यक्रम महाशाखा प्रमुख हुँदाखेरि गरेको निर्णयका आधारमा भ्रष्टाचार मुद्दामा मुछिएपछि गत असोजमा मधु मरासिनीलाई अख्तियारले मुद्दा दायर गर्यो।  उनले विशेष अदालत बाट सफाई पाएर अहिले अर्थसचिवको भूमिकामा छन्।  

त्यस्तै बजेट तथा कार्यक्रम महाशाखा प्रमुख भएका निलम्बित मुख्यसचिव बैकुण्ठ अर्याल माथि अख्तियारले हिजै मात्र मुद्दा दायर गरेको छ। बजेट तथा कार्यक्रम महाशाखा प्रमुख रहेकै बेला मुख्यसचिव संगै रितेशकुमार शाक्यको पनि एकै मुद्दामा हातखुट्टा बाँधिएको छ। बजेट तथा कार्यक्रम महाशाखा प्रमुखले अन्यथा गर्छन कि भन्ने प्रश्न लगालग महाशाखा प्रमुख भएका व्यक्ति माथि अख्तियारले मुद्दा आयर गरे बाटै प्रष्ट हुन्छ। 

तुलनात्मक रूपमा तैबिसेक ठानिएका सहसचिव रितेशकुमार शाक्य अन्तशुल्क स्टिकर छपाई काण्डमा जाकिएपछि एकथरी कर्मचारी भयभित छन्।  ‘किड्नी प्यासेन्ट’ रितेश देशका लागि केही गर्ने कुरा सुनाउथे। अरू सहसचिव जस्तो अररो र उत्ताउलो जीवनशैली उनको थिएन।  तर खुंखारहरूको भूमरीमा परेपनि उनीपनि भागिदार ठहरिए। अर्थात, उनले गरेको कसुर प्रष्ट देखेपछि उनीमाथि अख्तियारले दया राख्ने ठाउँ नै देखेन।  

रितेशका लागि त्यो बेला बरदान भएकाहरु नै अर्कातिर राहु र केतु बनिदिए। त्यसरी आपत्त आइपर्नुको कारण तत्कालीन सञ्चार सचिव एवं  सुरक्षण मुद्रण विकास समितिका अध्यक्ष (हाल मुख्यसचिव) डा. बैकुण्ठ अर्याल र सुरक्षण मुद्रण केन्द्रका तत्कालीन कार्यकारी निर्देशक विकल पौडेलसँगको सेटिङ हो। उनी आन्तरिक राजस्व विभागको महानिर्देशक हुँदा मिलेमतोमा अन्त:शुल्क स्टिकर छपाइको जिम्मा भ्रष्टाचारी विकल पौडेल नेतृत्व सुरक्षण मुद्रण केन्द्रलाई दिएको आरोप छ। झट्ट हेर्दा सादगी किसिमका बैकुण्ठको वचन हुबहु मान्नाले रोगी रितेशमाथि आपत् आईलागेको हो। 

अख्तियारको अभियोगपत्र सरसर्ती हेर्दा रितेशले गम्भीर लापरबाही विधि र प्रक्रिया मिचेर मिलेमतोमा हचुवाको भरमा अन्त:शुल्क स्टिकर छपाइको जिम्मा सोझै सुरक्षण मुद्रण केन्द्रलाई सुम्पेको देखिन्छ । तत्कालीन सञ्चार सचिव बैकुण्ठ र विकलसँग सेटिङ गर्दा रितेश भ्रष्टाचारमा परेका छन् ।  तुलानात्मक रूपमा ठिकै कर्मचारीमा गनिने सहसचिव रितेश अन्तत: भ्रष्टाचार मुद्दामा डामिएका छन् ।

किड्नी झिकेपछि आफै विरत्तिएका रितेश पछिल्लो समय देशका लागि गर्ने हो भन्न थालेका थिए । सायदै उनमा परिवर्तन आएको हुनुपर्छ । तर, बैकुण्ठ र विकल जस्ता मुलुक सिध्याउने धमिराहरुसँग मिलेर यहीँ कलियुगमा गरेको बदमासीको प्रतिफल रितेशले पनि अहिल्यै पाएको हुन सक्छ । उनलाई भ्रष्टाचारको दाग लागेको छ । सफाई पाउने झिने सम्भावना पनि नरहेको जानकारहरूको तर्क छ।