नेपाली कांग्रेसका सभापति शेरबहादुर देउवा शनिवार पत्नी आरजुलाई समेत साथै लिएर एमाले अध्यक्ष केपी ओली निवास बालकोट पुगे। ओलीसँग देउवाले भेटघाट गरेपछि सत्ता समीकरणमा तरङ्ग गएको छ। अनेक अड्कल र अनुमानले पर्याप्त स्थान पाएको छ। देउवा ओली र आरजुको तीन घण्टा सम्म कुराकानी भएको थियो। 

बालकोट स्रोतका अनुसार देउवाले ओलीलाई प्रधानमन्त्री बन्न अफर गरेका थिए । देउवाले प्रधानमन्त्रीको अफर गरेसँगै प्रधानमन्त्री पुष्पकमल दाहाल ‘प्रचण्ड’ ले विहानै ओलीसँग फोन संवाद गरेका छन् । प्रचण्डले ओलीलाई भेटघाटको वातावरण मिलाउन आग्रह गरेको बताइएको छ ।

ओली र प्रचण्डबीच आज नै केही समयपछि भेटघाट गर्ने तयारी रहेको बताईको छ । बालकोट स्रोतका अनुसार ओलीले देउवाको प्रस्ताव स्वीकार गर्ने मनस्थिति बनाएका छन् । यो भए संगै प्रधानमन्त्री प्रचण्ड र गृहमन्त्री रवि लामिछाने मर्माहत बन्ने छन्।