एमाले अध्यक्ष केपी ओलीको बालकोटस्थित निजी निवासमा कार्यरत सशस्त्र प्रहरी निरीक्षकको मृत्यु भएको छ।

सशस्त्र प्रहरी निरीक्षक उमेश थापाको शनिबार बिहान मृत्यु भएको हो। सशस्त्र प्रहरी प्रधान कार्यालय हलचोक दरबन्दी भएका थापा शनिबार बिहान साढे ५ बजे सूर्यविनायक-९ गुन्डुमा अचेत अवस्थामा भेटिएका थिए। उनी ४२ वर्षका भएको बताईएको छ।

उनलाई उपचारको लागि भक्तपुर अस्पताल लगिएकोमा बिहान ६:५० मा चिकित्सकले मृत घोषणा गरेका थिए। उनी एमाले नेता महेश बस्नेतकै गाउँका आफन्त समेत हुन् ।

ओलीले सशस्त्र प्रहरीका इन्स्पेक्टर थापाको निधनप्रति दुःख व्यक्त गरेका छन् ।