नेपाली काङ्ग्रेसका वरिष्ठ नेता डा. शेखर कोईरालाले द्वारिकाज होटलकी संस्थापक अम्बिका श्रेष्ठको निधनप्रति दुःख व्यक्त गरेका छन्  । आज बिहान द्वारिकाज होटल पुगेर उनले स्व श्रेष्ठप्रति श्रद्धाञ्जली व्यक्त गरेका हुन् । 
  
नेपालको पर्यटन क्षेत्रमा स्व श्रेष्ठले पुर्‍ याउनुभएको योगदानको प्रशंसा गर्दै उहाँको योगदान नेपालको पर्यटन क्षेत्रको इतिहासमा सदा अविस्मरणीय रहने कोईरालाले बताए । नेता कोइराला विराटनगर महानगरका मेयर नागेश कोईराला सहित समवेदना ब्यक्त गर्न त्यहाँ पुगेका हुन् । 

श्रेष्ठको ९२ वर्षको उमेरमा बिहीबार निधन भएको थियो । लामो समयदेखि आन्द्रामा देखिएको सङ्क्रमणको उपचार गराइरहनुभएकी श्रेष्ठको ललितपुरस्थित नेपाल मेडिसिटी अस्पतालमा निधन भएको हो । स्व श्रेष्ठको आजै पशुपति क्षेत्रमा रहेको विद्युतीय शवदाहगृहमा अन्त्येष्टि गरिने पारिवारीक स्रोतले जनाएको छ ।