सोसल मिडिया
युनिकोड
प्रधानमन्त्री केपी शर्मा ओलीसमक्ष नवनियुक्त तीनजना राज्यमन्त्रीले पद तथा गोपनीयताको सपथ लिएका छन् ।
प्रधानमन्त्री तथा मन्त्रिपरिषद्को कार्यालय सिंहदरबारमा शुक्रबार आयोजित समारोहमा प्रधानमन्त्री ओलीसमक्ष तीन राज्यमन्त्रीले सपथ लिएका हुन् ।
सपथ लिनेमा संस्कृति, पर्यटन तथा नागरिक उड्डयन राज्यमन्त्री अरुणकुमार चौधरी, वन तथा वातावरण राज्यमन्त्री रुपा विक र ऊर्जा, जलस्रोत तथा सिँचाई राज्यमन्त्री पूर्णबहादुर तामाङ छन् ।
सपथ कार्यक्रममा उपप्रधानमन्त्रीहरू, मन्त्रीगण, मुख्यसचिव, उच्चपदस्थ अधिकारी सहभागी थिए। योसँगै २५ सदस्यीय मन्त्रिपरिषद्ले पूर्णता पाएको छ ।
प्रधानमन्त्री ओली गत असार ३० गते नियुक्त भएका थिए । यसअघि असार ३१ गते ओलीसहित मन्त्रिपरिषद्का २२ जना सदस्यले सपथ लिएका थिए ।
अघिल्ला सरकारका पालामा ढल्ने बेलासम्म सरकारले पूर्णता पाउने गरेका थिएनन् । तर नेपाली कांग्रेस र नेकपा एमालेको गठबन्धनले साना दललाई पनि मिसाएर दुई पटकमै सरकारलाई पूर्ण आकारको बनाउन सफल भएका हुन् ।
प्रधानमन्त्री केपी शर्मा ओलीले पद तथा गोपनीयताको शपथ ग्रहण गरेका छन् । साेमबार नवनियुक्त प्रधानमन्त्री ओलीले राष्ट्रपति कार्यालय शीतल निवासमा शपथ लिएका हुन् ।
असार ३१ मा ओलीसँगै उपप्रधान तथा सहरी विकास मन्त्री प्रकाशमान सिंह र उपप्रधान तथा अर्थमन्त्री विष्णु पौडेलले शपथ लिएका थिए।
यसैगरी, उनी नेतृत्वको सरकारमा १९ मन्त्रीले पनि त्यही दिन शपथ लिएका थिए । राष्ट्रपति रामचन्द्र पौडेलले ओली लगायत मन्त्रीहरूलाई शपथ ग्रहण गराएका थिए ।
ओली नेतृत्वको सरकारमा कांग्रेस, एमाले, जनता समाजवादी पार्टी, लोकतान्त्रिक समाजवादी पार्टीले त्यसबेला मन्त्री पठाएका थिए । यस पटक नागरिक उन्मुक्ति पनि मिसिएर क्याबिनेटले पूर्णता पाएको छ । यससँगै ओली नेतृत्वको क्याबिनेट पूर्ण २५ सदस्यीय भएको छ ।
यस्तो बन्यो ओली क्याबिनेट
प्रधानमन्त्री : केपी शर्मा ओली
उपप्रधानमन्त्री तथा शहरी विकासमन्त्री : प्रकाशमान सिंह
उपप्रधानमन्त्री तथा अर्थमन्त्री ः विष्णु पौडेल
सञ्चारमन्त्री : पृथ्वी सुब्बा गुरुङ
गृहमन्त्री ः रमेश लेखक
श्रम, रोजगार तथा सामाजिक सुरक्षा : शरदसिंह भण्डारी
परराष्ट्रमन्त्री : डा. आरजु देउवा
खानेपानीमन्त्री : प्रदीप यादव
भूमि व्यवस्था मन्त्री : बलराम अधिकारी
उद्योग मन्त्री : दामोदर भण्डारी
महिला तथा बालबालिकामन्त्री : नवलकिशोर शाह
भौतिक पूर्वाधारमनत्री : देवेन्द्र दाहाल
युवा तथा खेलकुदमन्त्री : तेजुलाल चौधरी
स्वास्थ्य तथा जनसंख्यामन्त्री : प्रदीप पौडेल
कानूनमन्त्री : अजय चौरसिया
संस्कृति, पर्यटन तथा नागरिक उड्डयनमन्त्री : बद्रीप्रसाद पाण्डे
कृषिमन्त्री : रामनाथ अधिकारी
शिक्षामन्त्री : विद्या भट्टराई
रक्षामन्त्री : मानवीर राई
उर्जा : दिपक खड्का
संघीय व्यवस्थामन्त्री : राजकुमार गुप्ता
वनमन्त्री : ऐनबहादुर शाही ठकुरी
राज्यमन्त्रीहरू
संस्कृति, पर्यटन तथा नागरिक उड्डयन राज्यमन्त्री : अरुणकुमार चौधरी
वन तथा वातावरण राज्यमन्त्री : रुपा विक
ऊर्जा, जलस्रोत तथा सिँचाई राज्यमन्त्री : पूर्णबहादुर तामाङ
