नेपाली कांग्रेसको केन्द्रीय कार्यसमिति बैठक १० दिनका लागि स्थगित गरिएको छ।

साउन २३ गतेदेखि विभिन्न ११ वटा प्रस्तावमा छलफल भइरहेको बैठक स्थगित गरिएको हो। अर्को बैठक भदौ ७ गते बोलाइएको कांग्रेस कार्यालयका मुख्यसचिव कृष्णप्रसाद पौडेलले जानकारी दिए।

सोमबारको बैठकमा केन्द्रीय सदस्यहरू चित्रलेखा यादव, डा मीनेन्द्र रिजाल, एनपी साउद, सुजाता परियार, सरिता प्रसाई, रामजनम चौधरी, डा गोपाल दहित, मधु आचार्य, उमेशजंग रायमाझी, अर्जुनजंगबहादुर सिंह, रामहरि खतिवडा, विनोदकुमार चौधरी, रंगमती शाही, नानु बास्तोला, माया राई, रूपा विक र अनिलकुमार रुंगटाले धारणा राखेका थिए।

त्यसैगरी कृषि तथा पशुपंक्षी विकास मन्त्री रामनाथ अधिकारी, वन तथा वातावरण मन्त्री ऐनबहादुर शाही र ऊर्जा, स्वास्थ्य तथा जनसंख्या मन्त्री प्रदीप पौडेल, जलस्रोत तथा सिंचाइ राज्यमन्त्री पूर्णबहादुर तामाङले बैठकमा बोलेका थिए।