ओली सरकारले सहसचिव सरुवालाई ज्यादा महत्व दिएको छ।  आजको क्याबिनेटमा पाँच दर्जन बढी सहसचिव सरुवाको प्रस्ताव पुगेको छ।  आजैका मितिमा निर्णय गरेर नाम र संख्या तलमाथि पारिने बुझिएको छ। 

सङ्घ, प्रदेश र स्थानीय तहमा कार्यरत सहसचिवहरूको सरुवा सूची मन्त्रिपरिषदमा पठाइएको हो । प्रदेशका धेरै सचिव संघमा भित्रिने भएका छन्। 

यस अघि साउनको अन्तिम साता ५९ जना सहसचिवको सरुवा गरिएको थियो । जसमा छुटेका तथा सरुवा गर्नुपर्ने अवधि पुगेका सहसचिवहरूलाई सरुवा गर्न लागिएको हो। सहसचिव सरुवापछि धेरै कार्यालयका हाकिमको पनि हेरफेर हुने बुझिएको छ।