सोसल मिडिया
युनिकोड
काभा महिला क्लब च्याम्पियनशिपमा नेपाल पुलिस क्लबले विजयी शुरुवात गरेको छ।
माल्दिभ्समा आज भएको खेलमा उज्वेकिस्तानको हुमो भिसलाई सोझो सेटमा पराजित गर्दै पुलिसले विजयी शुरुवात गरेको हो।
पुलिसले उज्वेकिस्तानी टोली हुमो भिसविरुद्ध २५–१९, २७–२५ र २५–१९ सेटले जित हासिल गरेको हो।
पुलिसले पहिलो सेट २५-१९ ले जितेपछि ह्युमोले दोस्रो सेटमा चुनौतीपूर्ण प्रतिस्पर्धा गर्यो तर पुलिसलाई भाग्यले साथ दिँदा दोस्रो सेट २७-२५ ले जित्यो।
तेस्रो सेटमा पुलिसले फेरि पहिलो सेटमा जस्तै २५-१९ ले ह्युमोलाई पराजित गर्दै प्रतियोगितामा विजयी शुरुआत गर्यो।
प्रतियोगितामा पुलिसले भोलि (सोमवार) श्रीलंकाको एयर फोर्स क्लबसँग खेल्नेछ। पुलिसले तेस्रो खेल असोज १ गते मंगलवार ताजकिस्तानको क्लब भिसी डियामेदसँग प्रतिस्पर्धा गर्नेछ।
पुलिसले समूह चरणको अन्तिम खेल असोज ४ गते शुक्रवार माल्दिभ्सको पुलिस क्लबसँग खेल्नेछ। पुलिस क्लबको कप्तानी कमला पुनले गरिरहेकी छन् भने प्रशिक्षक रुपेश विष्ट छन्।
