आज बुधबार बसेको क्याबिनेटले चार सचिवको सरुवा गरेको छ। प्राविधिक क्षेत्रका छर सचिवको सरुवा भएको हो। कृषि तथा पशुपन्छी विकास मन्त्रालय र वन तथा वातावरण मन्त्रालयका सचिव फेरिएका हुन् ।

कृषि तथा पशुपन्छी विकास मन्त्रालयका सचिव डा. दीपक कुमार खराललाई वन तथा वातावरण मन्त्रालय र त्यहाँका सचिव डा. गोविन्द प्रसाद शर्मालाई कृषि तथा पशुपन्छी विकास मन्त्रालयमा सरुवा गरिएको हो । कृषी र वन मन्त्रालयका सचिव त्यहाँ बाहेक अन्यत्र सरुवा हुनै सक्दैनन्। 

ऊर्जा, जलस्रोत तथा सिंचाइ मन्त्रालयका उर्जा हेर्ने सचिव गोपाल प्रसाद सिग्देललाई जल तथा ऊर्जा आयोगको सचिवालयमा र त्यहाँका सुरेश आचार्यलाई ऊर्जा, जलस्रोत तथा सिंचाइ मन्त्रालयको उर्जा हेर्ने सचिवमा लगिएको छ । आचार्य केही समय अघि मात्र खानेपानी मन्त्रालयबाट सरुवा भएका थिए। कालो कांग्रेस भनेर चिनिने आचार्यलाई उर्जा मन्त्री खड्काले एक साता जिल्ला घुमाएर ल्याएका थिए।