विशेष अदालतले नापी कार्यालय भद्रपुर, झापाका सर्वेक्षक देवनारायण ठाकुरलाई भ्रष्टाचार मुद्दामा दोषी प्रमाणित गरेको छ। न्यायाधीशहरू तेजनारायण सिंह राई, रामबहादुर थापा र रितेन्द्र थापाको इजलासले ठाकुरले भ्रष्टाचार गरेको ठहर गरेको हो। 

अख्तियारले गत असोज २९ गते सर्वेक्षक ठाकुर र बिचौलिया उमेश यादवलाई घुस लिएको अवस्थामा नियन्त्रणमा लिएको थियो। तर, बिचौलियालाई भने अदालतले उन्मुक्ति दिएको छ। ठाकुरलाई  अदालतले ६ महिना कैद सजाय र १ लाख २५ हजार रूपैयाँ जरिवाना पनि तोकेको छ।

जग्गा कित्ताकाट गरी बाटो प्रमाणित गर्न गराउनको लागि उनीहरूले सेवाग्राहीसँग ७० हजार नगद र ५५ हजारको चेक बुझेका थिए।उनीहरूलाई भद्रपुर नगरपालिका–७, चन्द्रगढीबाट पक्राउ गरिएको थियो। काण्डमा जोडिएका अर्का सर्वेक्षक सुवासचन्द्र यादवले भने  सफाइ पाएका छन्।