साँझपख बसेको मन्त्रिपरिषद् बैठक केही बेर अघि मात्र सकिएको छ।  क्याबिनेट बैठकले सहसचिव रघुराम विष्टलाई सचिवमा बढुवा गरेको छ । बढुवा सिफारिस समितिको बैठकले प्रशासन सेवातर्फ विशिष्ट श्रेणीको सचिव पदमा सहसचिव बिष्टको नाम सिफारिस गरेको थियो ।

त्यस्तै मन्त्रीपरिषद् बैठकले दुई जना मन्त्रीको विदेश भ्रमण पनि स्वीकृत गरेको एक मन्त्रीले जानकारी दिए । कृषि मन्त्री रामनाथ अधिकारी र महिला मन्त्री नवलकिशोर साह सुडीको कतार र कोलम्बिया भ्रमणको स्वीकृति दिएको हो । 

त्यस्तै केही कर्मचारीको पनि विदेश भ्रमण स्वीकृत दिएको छ । संघीय मामिला मन्त्रालयको प्रस्तावमा दुई कर्मचारीको राजीनामा स्वीकृत गरेको छ । अन्य केही प्रशासनिक निर्णय भएको बुझिएको छ।