आज नेपाली बजारमा सुनको मूल्य तोलामा २ हजार रुपैयाँले बढेको छ । 

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला एक लाख ६६ हजार ५ सय रुपैयाँमा कारोबार भईरहेको छ। बिहिबार छापावाला सुन प्रतितोला १ लाख ६४ हजार ५ सय रुपैयाँमा कारोबार भएको थियो।

त्यसैगरी, आज चाँदीको मूल्य पनि तोलामा २० रुपैयाँले बढेको छ । आज चाँदीको प्रतितोला १ हजार ९ सय ८० रुपैयाँमा कारोबार भइरहेको छ । अघिल्लो दिन चाँदी १ हजार ९ सय ६० रुपैयाँमा कारोबार भएको थियो । आज प्रति १० ग्राम सुनको मूल्य १ लाख ४२ हजार ७ सय ४५ रुपैयाँ र प्रति १० ग्राम चाँदीको मूल्य १ हजार ६ सय ९७ रुपैयाँ ५० पैसा कायम भएको छ ।