सोसल मिडिया
युनिकोड
राष्ट्रपति रामचन्द्र पौडेल अजरबैजानको राजधानी बाकुमा आयोजित जलवायु परिवर्तनसम्बन्धी संयुक्त राष्ट्रसङ्घीय सम्मेलन (कोप–२९) मा सहभागी भएर आज बिहान स्वदेश फर्किएका छन् ।
त्रिभुवन अन्तर्राष्ट्रिय विमानस्थलको अतिविशिष्ट कक्षमा उनलाई उपराष्ट्रपति रामसहायप्रसाद यादव, प्रधानमन्त्री केपी शर्मा ओली, सभामुख देवराज घिमिरे, राष्ट्रियसमभाका अध्यक्ष नारायणप्रसाद दाहाल, गृहमन्त्री रमेश लेखकले स्वागत गरेका छन् ।
राष्ट्रपतिको स्वागतका लागि मन्त्री,सरकारका उच्च पदस्थ अधिकृत तथा सुरक्षा निकायका प्रमुख विमानस्थलमा उपस्थित थिए । नेपाली सेनाको एक टुकडीले राष्ट्रपतिलाई सम्मानगारतबाट सम्मान गरेको थियो ।
राष्ट्रपति पौडेल अजरबैजानका आफ्ना समकक्षी इलहम अलियेभको निमन्त्रणामा सम्मेलनमा सहभागी हुन यही कात्तिक २५ गते बाकुतर्फ प्रस्थान गरेका थिए ।
राष्ट्रपति पौडेलको अजरवैजान भ्रमणबारे परराष्ट्रमन्त्रालयका प्रवक्ता अमृत बहादुर राईले त्रिभुवन अन्तर्राष्ट्रिय विमानस्थलमा जानकारी गराएका छन् ।
राष्ट्रपति पौडेलले कोप–२९ अन्तर्गत १२ नोभेम्बरमा सम्मेलनलाई सम्बोधन गरेको प्रवक्ता राईले जानकारी दिए । सम्बोधनका क्रममा नेपालले कार्वन उत्सर्जनमा नगण्य योगदान गरेको भएपनि जलवायु परिवर्तनका कारण सेता हिमाल काला पहाडमा परिणत भएको बताएको राईले बताए । सोही कारण नेपाल जलवायुजन्य विपतमा परेको विषय समेत राष्ट्रपति पौडेलले उठाएको परराष्ट्र मन्त्रालयले जनाएको छ ।
