मंगलबार तोलामै २ हजार बढेको सुनको मूल्य आज (बुधबार) पनि बढेको छ। 

सुन आज तोलामा नौसय रुपैयाँ बढेर एक लाख ६३ हजार रुपैयाँ पुगेको नेपाल सुनचाँदी व्यवसायी महासंघले जनाएको छ। 

हिजो सुन तोलामा दुई हजार रुपैयाँ बढेर एक लाख ६२ हजार एकसय रुपैयाँ पुगेको थियो। गएको सोमबार सुनको मूल्य एक लाख ६० हजार एकसय रुपैयाँ थियो। तीन दिनमा सुनको मूल्य २ हजार नौ सय रुपैयाँ बढेको हो। 

गत कात्तिक १५ गते सुनको मूल्यले हालसम्मकै महँगो कीर्तिमान बनाएको थियो। त्यो दिन सुन प्रतितोला १ लाख ७१ हजार रुपैयाँ पुगेको थियो।

त्यसयताका दुई सातामा सुनको मूल्य ११ हजार रुपैयाँ घटेको थियो। विगत तीन दिनयता भने सुनको मूल्य फेरि बढ्न थालेको हो। 

आज चाँदीको मूल्य भने तोलामा पाँच रुपैयाँ घटेको छ। एक हजार नौसय ५५ रुपैयाँ पुगेको चाँदीको मूल्य आज एक हजार नौसय ५० रुपैयाँमा झरेको महासंघले जनाएको छ।