जनयुद्धका सर्वोच्च कमाण्डर प्रचण्डले नै सरकारको नेतृत्व गरेको बेलामा पार्टीहरु विभाजन भएपछि नेपाल समाजवादी पार्टीका अध्यक्ष बाबुराम भट्टराईले आपत्ति प्रकट गरेका छन्। 

सामाजिक संजालमा बाबुरामले लेखेका छन्- जनयुद्धका सर्वोच्च कमाण्डरले नै सरकारको नेतृत्व गरेको वेला नेपालमा सांसद किनवेच, धाकधम्की, पार्टी टुटफुट, संविधान र कानूनको अपव्याख्या र बलात्कार आदि नांगो नाच देखिएको उल्लेख गर्दै यी सबै देख्दा सेतै दाह्रीवाला बुढा मार्क्सले आज आफ्नो जन्मदिन (मे ५) मा ब्रह्माण्डको कुनै कुनाबाट के भनिरहेका होलान् ? भनेर प्रश्न गरेका छन् ।

बाबुरामको नेसपा पनि फुटिसकेको छ। महिन्द्रा राय यादव र वागमती प्रदेशका मन्त्री गंगानारायण श्रेष्ठले बाबुरामको साथ छोडेका छन्। त्यस्तै उनका निकट सहयोगी विश्वदीप पाण्डे प्रचण्डको सचिवालयमा जागिर खान थालिसकेका छन्।