जारी नेपाल प्रिमियर लिग (एनपीएल) मा आज (बिहीबार) पनि दुई खेल हुँदैछन् । कीर्तिपुरस्थित टियू क्रिकेट मैदानमा हुने पहिलो खेलमा पोखरा एभेन्जर्स र विराटनगर किङ्स भिड्नेछन् । खेल बिहान सवा ९ बजे शुरु हुनेछ ।

दुवैले आज आफ्नो पाँचौं खेल खेल्नेछन् । चार खेलमा तीन खेल हारेको पोखरा सातौँ र विराटनगर आठौँ स्थानमा छ । लिगमा दुवैले तीन खेल खेल्न बाँकी भएकाले प्लेअफ सम्भावना कायमै छ ।

दोस्रो खेलमा काठमाण्डु गुर्खाज् र जनकपुर बोल्ट्सबीच प्रतिस्पर्धा हुनेछ । दोस्रो खेल १ः१५ बजे सुरु हुनेछ । काठमाण्डुका लागि बिहीबारको खेल महत्त्वपूर्ण छ । उसले लिगमा अहिलेसम्म एक खेलमात्रै हारेको जनकपुरको सामना गर्नेछ । प्लेअफ सम्भावना बलियो बनाउन काठमाण्डुले यो खेल जित्नुपर्नेछ ।