लोक सेवा आयोगले १० वर्षको अवधिमा खुलाइएका विभिन्न दरबन्दीमा ५० लाख भन्दा बढीले दरखास्त दिएको जानकारी दिइएको छ । 

आयोगले राज्यव्यवस्था तथा सुशासन समितिमा उपस्थित भएर आर्थिक वर्ष २०७१/७२ देखि २०८०/८१ सम्म आयोगबाट कूल जम्मा ५७ हजार ७ सय २५ दरखास्त र सिफारिससम्बन्धी विवरण: (बढुवा समेत) विज्ञापन प्रकाशन गरेको जानकारी दिएको छ । 

आयोगका अध्यक्ष माधव प्रसाद रेग्मीले बैठकमा दिएको जानकारी अनुसार १० वर्षमा ५० लाख ५७ हजार १ सय ५२ दरखास्त परेको छ । 

‘जसमा २५ लाख २८ हजार १ सय ५५ महिला र २५ लाख २८ हजार ९ सय ९७ पुरुष गरी कूल ५० लाख ५७ हजार १ सय ५२ दरखास्त परेका थिए‚’ समितिमा उनले भने‚ ‘सो अवधिमा ४१ हजार ७ सय ३४ उम्मेदवार सिफारिस भएका छन् ।’