सोसल मिडिया
युनिकोड
संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयकमाथि छलफल हुने क्रम पछिल्ला केही दिन यता चलेकै छ। यहि मेसोमा आज राज्य व्यबस्था समितिले पूर्व मुख्यसचिव विमल कोइरालालाई बोलाएर सुझाब लिने काम गरेको छ।
सुझाब दिंदै पूर्वमुख्यसचिव कोइरालाले कर्मचारीहरूलाई राणाकालीन शैलीमा नै राख्न खोजेको आरोप लगाएका छन् । सिंहदरबारमा भएको विज्ञसँगको छलफलमा भाग लिने क्रममा कोइरालाले नयाँ ढंगबाट विधेयक आउन नसकेको भन्दै उछितो काढेका हुन्।
उनले कहिले स्वार्थ समूहको, दबाब समूहको र शक्ति समूहको चपेटामा परेर विधेयक अघि बढ्न नसकेको टिप्पणी समेत गरे । संघीयताको मर्मअनुरूप विधेयक आउन नसकेको भनाइ उनको छ ।
कपिपेस्ट गरेर पुरानै ऐन ल्याएको बताउंदै कोइरालाले नयाँ ढंगले जानुपर्छ भन्ने आँट गर्न नसकेको आरोप लगाएका छन्। ऐन कानुन बनाउँदा पनि हिजोका शब्द के थियो, त्यसैका शब्द खेलाएर पुरानै ढर्रा देखाएको कोइरालाले बताए। नयाँ कुरा गर्नु पर्नेमा अझ सम्पूर्ण कुरा डिजिटल भइसकेको अवस्थामा त्यसलाई नयाँ विधयेकले चिन्न नसकेको कोइरालाको भनाई छ। एका तिर सरकार पेपरलेसमा जाने अर्कातिर विधेयक पुरानै पारामा आउनाले निजामती कर्मचारीको स्वरूप राणाकालीन लिगेसीबाट आएको र त्यसलाई नछोडेको उनको आरोप छ। नयाँ ढंगले जाने कार्यक्रम नभएकोमा उनले रोष प्रकट गरे। उनले कहिले स्वार्थ समूहको, दबाब समूहको र शक्ति समूहको चपेटामा परेर विधेयक अघि बढ्न नसकेको टिप्पणी समेत गरे । संघीयताको मर्मअनुरूप विधेयक आउन नसकेको भनाइ उनको छ ।
त्यस्तै, पूर्वसचिव तथा लोकसेवा आयोगका पूर्वअध्यक्ष उमेश मैनालीले संघीय प्रणालीअनुसार विधेयक ल्याउन नसकेको टिप्पणी गरे । “संघीयता ल्यायौँ, प्रशासनिक संघीयतामा ध्यान दिएनौँ । राजनीतिक परिवर्तन ल्यायौँ । नेताहरूप्रति आभार प्रकट गर्नुपर्छ, तर प्रशासन चलाउन जान्नुभएन,” उनले भने । उनले अहिलेको चुनौतीसँग जुध्न सक्ने कर्मचारी प्रशासन बनाउनुपर्ने बताए ।
