चलचित्र ‘बलिदान’मा अभिनेता दिव्यदेव अनुबन्धित भएका छन् । चलचित्रका प्रमुख भूमिकाहरूमध्ये एकमा दिव्यदेवको अभिनय रहनेछ । 

निर्देशक सन्तोष सेनका अनुसार ‘बलिदान’को एक प्रमुख पात्रका लागि उनी अनुबन्ध भएका हुन् । 

‘बलिदान’को प्रमुख भूमिकाबाट विराज भट्टका छोरा समीर भट्टले डेब्यु गर्दैछन् । यस चलचित्रमा यसअघि अभिनेताद्वय सौगात मल्ल र अर्पण थापा  अनुबन्ध भइसकेका छन् । अभिनेत्री ऋचा शर्मा पनि अनुबन्ध भइसकेकी छन् । 

यसैवर्ष रिलिज हुने ‘बलिदान’को हाल पूर्वी नेपालको इटहरीमा सेट डिजाइनको काम भइरहेको छ । ‘बलिदान’को करिब ६० प्रतिशत छायांकन स्टुडियोमा नै हुनेछ ।