आज सुनचाँदीकै मूल्य बढेको छ। सुन आज तोलामा दुई हजार तीनसय रुपैयाँले बढेको नेपाल सुनचाँदी व्यवसायी महासंघले जनाएको छ। 

मूल्य बढेर आज सुन तोलाको एक लाख ६२ हजार आठसय रुपैयाँ पुगेको छ।  बुधबार तोलामा १४ सय रुपैयाँ बढेको सुनको मूल्य हिजो प्रतितोला एकसय रुपैयाँ घटेको थियो। मूल्य घटेर हिजो सुन तोलाको एक लाख ६० हजार पाँचसय रुपैयाँमा झरेको थियो। सुनको मूल्य आज एकैदिन २३ सय रुपैयाँ बढेको हो।

चाँदीको मूल्य आज प्रतितोला तीस रुपैयाँ बढेको छ। मूल्य बढेर आज चाँदी तोलाको एक हजार नौसय १५ रुपैयाँ पुगेको छ। 

गएको मंसिर तेस्रो साता सुनको मूल्य दुई दिनमै तोलामा साढे १८ हजार रुपैयाँ घटेको थियो। 

गत कात्तिक १५ गते सुनको मूल्यले हालसम्मकै महँगो कीर्तिमान बनाएको थियो। त्यो दिन सुन प्रतितोला १ लाख ७१ हजार रुपैयाँ पुगेको थियो। सरकारले भन्सारदर घटाएपछि सुनचाँदीकै मूल्यमा गिरावट आएको हो।