यो साता कारोबारको पहिलो दिन आज सेयर बजारमा हरियाली छाएको छ । आज नेप्से परिसूचक ६९ दशमलव ८० अङ्कले बढेर २७२७ दशमलव ५८ को बिन्दुमा उक्लिएको छ ।

आइतबार ३३० कम्पनीका १ लाख ३० हजार ९१३ पटकको कारोबारमा २ करोड ४८ लाख ४८ हजार ०७९ कित्ता सेयर खरिद बिक्री भएको छ । जसमा कारोबार रकम १२ अर्ब ९५ करोड ५७ लाख ६४ हजार १३६ रुपैयाँ रहेको छ ।

२०२ कम्पनीको मूल्य बढ्दा ३७ वटाको घटेको छ भने ३ वटा कम्पनीको मूल्य स्थिर रहेको छ । आज ७ कम्पनीका लगानीकर्ताले २० प्रतिशतका दरले कमाएका छन् ।

आइतबार एनआरएन इन्फ्रास्ट्रक्चरमा लगानीकर्ता झुम्मिएका छन् । जसको कारोबार रकम ४१ करोड ९७ लाख २ हजार रुपैयाँ रहेको छ ।