ताप्लेजुङको पाथिभरा क्षेत्रमा केबलकार निर्माण गर्न नहुने भन्दै काठमाडौंमा प्रदर्शन गरिएको छ ।

राष्ट्रिय मुक्ति मोर्चा, किरात याक्थुङ चुमलुङ लगायतका संघसंस्थाहरूले नो केबलकार भन्दै काठमाडौंको माइतीघरमा विरोध प्रदर्शन गरेका हुन् ।
प्रदर्शनकारीहरूले मुक्कुम्लुङ पवित्रस्थलमा केबलकार खारेज गर, सुरक्षाकर्मी फिर्ता गर, आदिवासीको भूमि फिर्ता गर, आदिवासीलाई विस्थापित गर्ने विकास चाहिदैन लगायतका प्लेकार्ड प्रदर्शन गरेका थिए ।

त्यस्तै, उनीहरूले जनताहरूमाथि गोली चलाउने काम भएको भन्दै गृहमन्त्रीको राजीनामा माग गरेका थिए । ब्यबसायी चन्द्र ढकालको लगानीमा त्यहाँ केबलकार बनाउन लागिएको हो।