नेपाल बीमा प्राधिकरणले नयाँ कार्यकारी निर्देशक पाउने टुंगो लागेको छ। सुशीलदेव सुवेदीको नाम सिफारिस भए संगै प्राधिकरणले कार्यकारी निर्देशक पाउने पक्का भएको हो। 

प्राधिकरणको पदपूर्ति समितिको आज बुधबारको निर्णयानुसार सुवेदीको नाम कार्यकारी निर्देशकमा सिफारिस भएको हो । बीमा समिति कर्मचारी सेवा शर्त विनियमावली, २०६८ को विनियम बमोजिम सम्भाव्य उम्मेदवारहरूको कार्य सम्पादन मूल्यांकन, ज्येष्ठता, शैक्षिक योग्यता र तालिमबापत प्राप्त गरेको कूल अंकको आधारमा सबैभन्दा बढी अंक प्राप्त गरी सुवेदीको नाम सिफारिस गरिएको पदपूर्ति समितिले जनाएको छ । 

कार्यकारी निर्देशक पदका लागि तीनजनाको उमेदवारी परेको थियो । तीनजनामध्ये सुवेदी ७७.१९४ अंक प्राप्त गरी बढुवा सिफारिसमा पर्न सफल भए । दुई जनालाई पछि पार्दै उनले बीमा प्राधिकरणको कार्यकारी निर्देशक हत्याउन सफल भएका हुन्।