लोक सेवा आयोगले सहसचिवमा नाम निकाल्न सफल उम्मेदवारको नाम सार्वजनिक गरेको छ। परराष्ट्र मन्त्रालयको खुला सहसचिवमा बढुवाका लागि ३ जना महिलालाई आयोगले सिफारिस गरेको हो ।

उपसचिवहरू ईला मैनाली, रोशन खनाल र रोजिना ताम्राकारको नाम सहसचिवमा बढुवाका लागि सिफारिस गर्दै आयोगले बुधबार सूचना प्रकाशित गरेको हो। अन्तर्वार्ताको नतिजाअनुसार सो सिफारिश गरेको आयोगले जनाएको छ। 

परराष्ट्र मन्त्रालयको सहसचिवका लागि लिखित परीक्षाबाट ५ जनाको नाम छनोट भएको थियो । सहसचिवको वैकल्पिकमा मोतिबहादुर श्रीसको नाम सिफारिस भएको छ । 

सहसचिवमा सिफारिस भएकी मैनाली डेनमार्क, खनाल थाइल्याण्ड र ताम्राकार क्यानडामा कार्यरत रहेकी थिइन् । ईला मैनाली गृह सचिव हुँदै लोकसेवा आयोगका अध्यक्ष समेत भएका उमेश मैनालीकी छोरी हुन्।