नेपाली कांग्रेसका नेता डा. शेखर कोइरालाले पार्टीका नेता तथा कार्यकर्ताहरूमाथि अब अन्याय हुन नदिने प्रतिबद्धता जनाएका छन्  ।

कांग्रेसको राप्ती स‍ोनारी गाउँपालिका सम्मेलनलाई आइतबार उदघाटन् गर्दै डा. कोइरालाले कांग्रेस कार्यकर्तालाई संरक्षण गर्ने जिम्मेवारी आफूले लिने बताएका हुन् । नेता डा. कोइरालाले थपे, "ढुक्क भएर संगठन गर्नुस्, समयमै सदस्यता नवीकरण गराउनुस् ।"

सबै तहका कांग्रेस कार्यकर्ताहरू पार्टीको विधानअनुसार अघि बढ्न निर्देशन समेत दिए । व्यक्ति बलियो होइन संस्था बलियो बनाउनुपर्ने धारणा राख्दै देश दौडाहमा रहेका नेता डा. कोइरालाले आगामी महाधिवेशन निर्धारित समयमै हुनुपर्ने समेत बताएका छन् ।

निरन्तर जिल्ला भ्रमणमा रहेका कांग्रेस नेता डा. कोइराला शनिबार नेपालगन्जमा पुगेका हुन् ।