अखिल नेपाल फुटबल एसोसिएसन (एन्फा)ले अन्तर्राष्ट्रिय महिला च्याम्पियनसिप फुटबलको फाइनल खेलको टिकटदर तोकेको छ । एन्फाले बुधबार हुने नेपाल र म्यानमारबीचको फाइनल खेलको टिकटदर तोकेको हो ।

जसमाा भीआईपी सिटका लागि २ हजार रुपैयाँ र साधारण सिटका लागि १ हजार रुपैयाँ टिकट दर कायम गरिएको छ ।यसअघिको खेलमा भीआईपीतर्फ १ हजार र साधारणतर्फ ५ सय रुपैयाँको टिकट दर राखिएको थियो ।

त्यस्तै फाइनल खेलका लागि पाँच वर्षभन्दा माथिको उमेरका बालबालिकालाई पनि शुल्क लाग्ने एन्फाले जनाएको छ ।च्याम्पियनसिपमा नेपालसहित, लेबनान, ताजकिस्तान र म्यानमार सहभागी छन् । म्यानमार र नेपाल समूह विजेता र उपविजेता बनेर फाइनल पुगेका हुन् ।