सत्तारुढ दलले यही फागुन २१ वा २२ गते ६ वटै अध्यादेश संसदमा निर्णयार्थ पेस गर्ने भएको छ। शुक्रबार साँझ बसेको उच्चस्तरीय राजनीतिक संयन्त्रको बैठकले सो निर्णय गरेको हो।

सत्तारुढ दलले अध्यादेश पास गर्न निर्णायक रहेका जनता समाजवादी पार्टी (नेपाल) र लोकतान्त्रिक समाजवादी दललाई फकाउने भएका छन्।

२१ गतेभन्दा अघि नै जसपा र लोसपालगायत सत्तारुढ दलहरूबीच छलफल गरेर एउटा निर्षकर्षमा पुग्ने निर्णय भएको नेकपा एमालेका प्रमुख सचेतक महेश बर्तौलाले बताए।

‘सत्ताघटक दलहरूबीचमा २१ गतेभन्दा अगाडि छलफल गरेर, जसपा नेपाल, लोसपासहित बसेर छलफल गर्ने र अध्यायदेशलाई निर्णयार्थ पेस गर्ने भन्ने कुरा भयो’ नेता बर्तौलाले भने। यता उपेन्द्र यादव भने कुनै पनि हालतमा अध्यादेश पास गर्न नदिने रणनीतिमा छन्।