राष्ट्रिय स्वतन्त्र पार्टी (रास्वपा)का सांसद मनिष झाले टिपरका लागि अलग्गै लाइसेन्सको व्यवस्था गर्न माग गरेका छन् । शुक्रबार प्रतिनिधिसभाको बैठकमा सांसद झाले स्थानीय तहका जनप्रतिनिहरूको लगानी भएका टिपरहरूले कानुन नमान्ने गरेको जिकिर गरे ।

टिपरको व्यवस्था पनि राज्य संयन्त्र नै कमजोर रहेको उनको भनाइ छ ।  सांसद झाले सीतापाइला र धार्केमा टिपर हिँड्न अनुमति नदिएको भए पनि जबरजस्ती हिँडिरहेको बताए ।

"टिपरमा धेरै स्थानीय तहका प्रतिनिधिहरूको लगानी छ, उनीहरूले कानुन मान्दैनन् । टिपरलाई फरक लाइसेन्सको व्यवस्था गरियोस् भनेर टेक्निकल एडभाइस पनि आएको छ," उनले भने ।