सोसल मिडिया
युनिकोड
आज (आइतबार) जारी सङ्घीय संसदअन्तर्गत प्रतिनिधिसभाको बैठकमा सांसदहरूको उपस्थिति नगन्य देखिएको छ । यसले गर्दा संसद्का प्रायः कुर्सी खाली देखिएका छन् ।
प्रधानमन्त्री केपी शर्मा ओली, नेपाली काङ्ग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्डलगायत ठूला दलका शीर्ष नेता संसदमा देखिएका छैनन् । यसले गर्दा अगाडिका कुर्सीसमेत खाली देखिएका छन् ।
पाँचौ दल राष्ट्रिय प्रजातन्त्र पार्टी राप्रपा)का अध्यक्ष राजेन्द्र लिङ्देन पनि सदनमा अनुपस्थित छन् । बैठक नयाँ बानेश्वरस्थित संसद् भवनमा बिहान ११ बजे सुरु भएको हो ।
बैठकमा उपप्रधान तथा अर्थमन्त्री विष्णुप्रसाद पौडेलले तीनवटा विधेयक पेस गर्ने सम्भावित कार्यसूची रहेको छ ।
