प्रधानमन्त्री कप पुरुष राष्ट्रिय प्रतियोगितामा गण्डकी प्रदेशले त्रिभुवन आर्मी क्लबले छैटौं जित दर्ता गरेको छ। गण्डकी प्रदेशलाई ६ विकेटले हराउँदै आर्मीले फाइनल होडमा आफ्नो कदम जारी राखेको हो। लमहीस्थित देउखुरी क्रिकेट मैदानमा टस हारेर ब्याटिङ गरेको गण्डकीले दिएको ११७ रनको मध्यम लक्ष्य आर्मीले २६.५ ओभरमा ४ विकेट गुमाउँदै पूरा गर्यो। 

आर्मीका लागि ओपनर तृतराज दासले सर्वाधिक ३७ रन बनाए। उनले ६८ बलमा ३ चौका प्रहार गरे। इम्रान शेखले १२ र भिम सार्कीले १४ रन बनाए। वसिर अहमद ३२ रन र सोमपाल कामी १० रनमा अविजित रहे। गण्डकीका लागि कप्तान विपिन खत्री, सुवास भण्डारी र सुदिप अर्यालले समान १–१ विकेट लिए।
 
त्यसअघि पहिलो इनिङ्समा ब्याटिङ गरेको गण्डकी ३०.३ ओभरमा ११६ रन बनाउँदै अलआउट भएको थियो। गण्डकीका लागि ओपनर अर्जुन कुमालले सर्वाधिक ३३ रन बनाए। उनले ४९ बलमा ४ चौका प्रहार गरे। दिपक डुम्रेले १९, कमल परियारले १७ र कप्तान विपिन खत्रीले १५ रन बनाए। अन्य कुनै पनि ब्याटरले दोहोरो अंकमा रन बनाउन सकेनन्।

त्रिभुवन आर्मीका लागि बलिङमा साहब आलमले सर्वाधिक ५ विकेट लिए। नरेन साउद र कुशल मल्लले समान २–२ विकेट  लिए। गण्डकीले सातौं खेलमा पराजित हुँदै प्रतियोगिताको छैटौं हार बेहोर्यो। गण्डकीले हालसम्म एक मात्र जित निकालेको छ।