आधा घण्टाका लागि स्थगित भएको प्रतिनिधिसभाको बैठक दिउँसो ३ बजेका लागि सरेको छ । बुधबार बिहान ११ बजेका लागि बोलाइएको बैठक विपक्षी दलहरूले अवरोध गरेपछि स्थगित भएको थियो ।

संसद्का महासचिव पद्मप्रसाद पाण्डेले एक सूचनामार्फत बैठक ३ बजे बस्ने तय भएको जानकारी गराएका छन् ।

बैठकमा विपक्षी दलहरूले नेपाल विद्युत् प्राधिकरणका कार्यकारी निर्देशक कुलमान घिसिङलाई हटाएको विषयमा प्रधानमन्त्री केपी शर्मा ओलीको जवाफ मागेका थिए । प्रधानमन्त्रीको जवाफ नआएसम्म सदन चल्न नदिने उनीहरूको माग थियो ।

सत्तापक्षले ऊर्जामन्त्री दीपक खड्काले जवाफ दिने प्रस्ताव राखेको छ । तर, विपक्षी दलहरूले प्रधानमन्त्रीकै जवाफ चाहिने अडान राखेका छन् ।