आज पनि सुनचाँदीकै मूल्य बढेको छ। बुधबार बढेको सुनचाँदीकै मूल्य आज पनि बढेको नेपाल सुनचाँदी व्यवसायी महासंघले जनाएको छ। 

सुनको मूल्य आज प्रतितोला एक हजार तीनसय रुपैयाँ बढेर एकलाख ७४ हजार आठसय रुपैयाँ पुगेको छ। सुनको मूल्य हिजो प्रतितोला एकलाख ७३ हजार पाँच सय रुपैयाँ थियो।

हिजो प्रतितोला दुईसय रुपैयाँ बढेको सुनको मूल्य आज एकैदिन १३ सय रुपैयाँ बढेको हो। गएको शुक्रबारदेखि मंगलबारसम्म सुनको मूल्य लगातार घटेको थियो।

यही चैत ६ गते सुनको मूल्य एक लाख ७६ हजार रुपयाँ पुगेको थियो। सुनको यो मूल्य आजसम्मकै सबैभन्दा धेरै हो। 

महासंघका अनुसार आज चाँदीको मूल्य पनि प्रतितोला ३० रुपैयाँ बढेको छ। चाँदीको मूल्य आज तोलाको दुई हजार २० रुपैयाँ पुगेको महासंघले जनाएको छ।