सोसल मिडिया
युनिकोड
नेकपा एकीकृत समाजवादीका सम्मानित नेता झलनाथ खनालले समाजवादी मोर्चाको सभामा सहभागी नहुने बताएका छन्। सभालाई सम्बोधन गर्ने सूचीमा आफ्नो नाम समावेश नगरिएको भन्दै उनले कार्यक्रममा सहभागी नहुने बताएका हुन्।
‘र्याली र सभालाई मेरो समर्थन छ। स्वास्थ्यका कारण म र्यालीमा सहभागी हुन सक्दैन। बक्तामा मेरो नाम छैन। त्यसैले म र्याली र सभामा सहभागी हुँदैन’, उनले भने।
सभामा चार पार्टीका अध्यक्षले मात्र सम्बोधन गर्ने कार्यसूची छ। समाजवादी मोर्चाको सभालाई माओवादी केन्द्रका अध्यक्ष प्रचण्ड, एकीकृत समाजवादीका अध्यक्ष माधव नेपाल, नेकपा महासचिव विप्लव र नेसपाका अध्यक्ष महिन्द्रराय यादवले सम्बोधन गर्दै छन्।
