सोसल मिडिया
युनिकोड
तीनकुनेमा शुक्रबार भएको प्रदर्शनका क्रममा तोडफोड र आगजनीमा संलग्न भएको आरोपमा पक्राउ परेका राजावादी नेता–कार्यकर्तालाई अनुसन्धानका लागि आज (आइतबार) म्याद थपका लागि काठमाडौं जिल्ला अदालत लगिएको छ ।
पक्राउ परेको भोलिपल्ट शनिबार परेकाले आज उनीहरूलाई अनुसन्धानका लागि म्याद थप गर्न अदालत पुर्याइएकाे प्रहरी स्रोतले जानकारी दियो ।
पक्राउ पर्नेमा राष्ट्रिय प्रजातन्त्र पार्टी (राप्रपा) उपाध्यक्ष रवीन्द्र मिश्र, महामन्त्री धवलशमशेर राणा, राजावादी अभियन्ता स्वागत नेपाललगायत छन् । तीनकुने घटनामा हालसम्म प्रहरी हिरासतमा पुग्नेको कुल सङ्ख्या ११३ रहेको छ ।
शुक्रबार राजधानीको तीनकुने क्षेत्रमा भएको हिङ्सात्मक प्रदर्शनमा सहभागी भएको आरोपमा उनीहरूलाई पक्राउ गरिएको जिल्ला प्रहरी परिसर काठमाडौंले जनाएको छ ।
