एकीकृत समाजवादीले किन डाक्यो पत्रकार सम्मेलन ?

आइतबार, चैत १७, २०८१

नेकपा एकीकृत समाजवादीले आज पत्रकार सम्मेलन गर्ने भएको छ । पत्रकार सम्मेलन दिउँसो १ बजे पार्टी केन्द्रीय कार्यालय आलोकनगरमा हुने बताइएको छ । 

एकीकृत समाजवादीले हिजो सम्पन्न पार्टी स्थायी कमिटी बैठकका निर्णयसहित पछिल्लो राजनीतिक घटनाक्रमका विषयमा जानकारी गराउन पत्रकार सम्मेलन गर्न लागेको पार्टीका प्रचार विभाग प्रमुख प्रकाश ज्वालाले जानकारी दिए ।

चैत १५ गते भएको राजावादीहरूको प्रदर्शनका क्रममा एकीकृत समाजवादीको पार्टी कार्यालयमा तोडफोड भएको थियो । सो घटनाबारे पनि एकीकृत समाजवादीले क्षतिको विवरण जानकारी गराउने जनाइएको छ ।

प्रकाशित मिति: आइतबार, चैत १७, २०८१  ११:५०
प्रतिक्रिया दिनुहोस्