सोसल मिडिया
युनिकोड
प्रधानमन्त्री केपी शर्मा ओलीले बोलाएको गणतन्त्रपक्षधर दलहरूको बैठकमा नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एकीकृत साजवादीका अध्यक्ष माधवकुमार नेपाल उपस्थित भएनन्।
सिंहदरबारमा भएको बैठकमा माओवादी केन्द्रका तर्फबाट वरिष्ठ उपाध्यक्ष नारायणकाजी श्रेष्ठ र उपाध्यक्ष पम्फा भुसाल उपस्थित भए । यस्तै नेपाली काङ्ग्रेसका सभापति शेरबहादुर देउवा, जनता समाजवादी पार्टीका अध्यक्ष उपेन्द्र यादव, जनमत पार्टीका अध्यक्ष सीके राउत, लोसपा अध्यक्ष महन्थ ठाकुर बैठकमा सहभागी थिए ।
यस्तै जसपाका अध्यक्ष अशोक राई, जनमोर्चाका अध्यक्ष चित्रबहादुर केसी, नेपाल समाजवादी पार्टी (नयाँ शक्ति)का अध्यक्ष बाबुराम भट्टराईलगायत बैठकमा सहभागी थिए । प्रधानमन्त्री ओलीले प्रचण्ड संग सल्लाह गरेरै बैठक डाके पनि उनी गएनन्। सिन्धुली बाट काठमाडौँ आएपनि उनले ओलीलाई भाउ दिएनन्।
