बहालवाला गृहमन्त्रीलाई पछारेका दीपक बोहराको उड्यो प्राणपखेरू

मंगलबार, चैत १९, २०८१

राप्रपाका सांसद दीपक बोहराको निधन भएको छ। राप्रपाका वरिष्ठ नेता एवं पूर्वमन्त्री बोहराको उपचारको क्रममा काठमाडौँको ओम अस्पतालमा निधन भएको उनका स्वकीय सचिव तारामणि चन्दले जानकारी दिए।

बोहरा गएको संघीय निर्वाचनमा रुपन्देहीबाट निर्वाचित भएका थिए।  रुपन्देही क्षेत्र नम्बर १ बाट निर्वाचित उनले ०७९ काे निर्वाचनमा नेपाली कांग्रेसका उम्मेदवार तथा तत्कालीन गृहमन्त्री बालकृष्ण खाँणलाई पराजित गरेका थिए।

बोहरा गएको साढे तीन वर्षदेखि बोल्न नसक्ने ढंगले बिरामी भएका थिए। कोभिड–१९ संक्रमणपछि उनको स्वरनलीमा समस्या आएको पारिवारिक स्रोतले जनाएको छ।

प्रकाशित मिति: मंगलबार, चैत १९, २०८१  ११:५५
प्रतिक्रिया दिनुहोस्