प्रतिनिधिसभा बैठक सुरू हुन केही ढिलाइ हुने भएको छ। राष्ट्रिय प्रजातन्त्र पार्टीका सांसद दिपक बोहराको निधनका कारण बैठक बस्न ढिलाइ हुने भएको हो। सभमुख देवराज  घिमिरे प्रतिनिधिसभाको बैठक कक्षमा पुगिसकेपछि बोहराको निधनको खबर आएपछि बैठक रोकिएको हो। बैठक बिहान ११ बजेका लागि बोलाइएको थियो।

राप्रपाका वरिष्ठ नेता एवं पूर्वमन्त्री बोहराको आज उपचारको क्रममा काठमाडौंको ओम अस्पतालमा बिहान १० :५० बजेतिर निधन भएको हो। सम्बन्धित दलबाट निधनको पत्र आउन बाँकी रहेकाले संसद बस्न केही समय लाग्ने संसद सचिवालयले जनाएको छ।

बैठकमा शोक प्रस्ताव पारित भएपछि हिउँदे अधिवेशन अन्त्य गर्ने तयारी छ।  सोमबार बसेको मन्त्रिपरिषद बैठकले हिउँदे अधिवेशन अन्त्यका लागि आज राष्ट्रपतिसमक्ष सिफारिस गर्ने निर्णय गरेको थियो।