चार दिनदेखि रेकर्ड ब्रेक गरिरहेको सुनको मूल्य आज घट्यो, कति छ तोलाको ?

बुधबार, चैत २०, २०८१

लगातार चार दिनदेखि रेकर्ड ब्रेक गरिरहेको सुनको मूल्य बुधबार घटेको छ ।

नेपाल सुनचाँदी व्यवसायी महासङ्घकाअनुसार आज छापावाल सुनको मूल्य तोलामा ६ सय रुपैयाँले घटेर १ लाख ७९ हजार १ सयमा कारोबार भइरहेको छ ।

यसअघि मङ्गलबार सुन तोलामा १ लाख ७९ हजार ७ सय रुपैयाँमा कारोबार हुँदै अहिलेसम्मकै उच्च मूल्यको रेकर्ड बनाएको थियो ।

यस्तै, आज चाँदीको मूल्य पनि घटेको छ । तोलामा १५ रुपैयाँले घटेर २ हजार २० रुपैयाँमा कारोबार भइरहेको महासङ्घले जनाएको छ ।

प्रकाशित मिति: बुधबार, चैत २०, २०८१  ११:०२
प्रतिक्रिया दिनुहोस्