सहकारी ठगी एवं संगठित अपराधका अभियुक्त रवि लामिछानेलाई पक्राउ गर्ने तयारी गरिएको छ। यतिबेला रविलाई समात्न प्रहरी उनको घर हात्तिगौडा पुगेको छ। 

पूर्वगृहमन्त्री समेत रहेका राष्ट्रिय स्वतन्त्र पार्टी (रास्वपा) का सभापतिसमेत रहेका लामिछानेलाई उच्च अदालत तुलसीपुरको बुटवल इजलासले शुक्रबार थुनामा पठाउने आदेश दिएपछि प्रहरीले पक्राउ गरेर रुपन्देही पठाउने तयारी गरेको प्रहरी उच्च स्रोतले जनाएको छ।

न्यायाधीश रमेश ढकाल र स्वीकृति पराजुलीको संयुक्त इजलासले जिल्ला अदालत रुपन्देहीको आदेश बदर गर्दै थुनामा पठाउने आदेश गरेका हुन्।

यसअघि जिल्ला अदालतले छविलाल जोशीलाई थुनामा पठाउने र रविलाई एक करोड धरौटीमा रिहा गर्ने आदेश दिएको थियो। तर उच्चले छविलाई थुनामा पठाउने आदेश सदर गर्दै रविलाई पनि थुनामा पठाउने आदेश गरेको हो। उनको एक करोड धरौटी भने फिर्ता हुने बुझिएको छ।