राष्ट्रिय प्रजातन्त्र पार्टीको केन्द्रीय सहायक कोषाध्यक्षको जिम्मेवारी सोभित उप्रेतीले पाएका छन् । पार्टी अध्यक्ष राजेन्द्र लिङ्देनले उनलाई विधानले दिएको अधिकार प्रयोग गर्दै सो पदमा नियुक्त गरेका हुन् ।

समाजसेवी उप्रेती लामो समयदेखि राप्रपालाई मजबुत बनाउने अभियानमा होमिएका ब्यक्ति हुन् । पार्टीको केन्द्रीय समिती, विदेश विभाग सहितका महत्वपूर्ण विभागको जिम्मेवारी कुशलता पूर्वक निर्वाह गरेका उप्रेती विकासप्रेमी नेताको रूपमा परिचित छन् ।

दर्जनौं सामाजिक काम गर्ने सस्थामा जोडिएका उनको परराष्ट्र सम्बन्ध पनि गहकिलो र मजबुत छ। दोलखामा जन्मिएका उप्रेतीलाई सहायक कोषाध्यक्षको जिम्मेवारी दिन पाँउदा खुसी लागेको लिङ्देनले बताएका छन् । उप्रेतीले पार्टीले दिएको जिम्मेवारी कुशलतापूर्वक निभाउने प्रतिवद्वता ब्यक्त गर्दै धन्यवाद समेत दिएका छन् ।