सहकारी ठगी प्रकरणमा छानबिन गर्न संसदीय समिति बन्ने भएको छ । समितिको कार्यदेश कस्तो हुने भन्नेबारे कार्यदलमा सहमति भएको छ । छानबिन गर्दा गृहमन्त्री रवि लामिछानेको नाम उल्लेख नगर्ने विषयमा कार्यदलका सदस्यहरु सहमतिमा पुगेका हुन् ।

सिंहदरबारस्थित् कानून मन्त्रालयमा बसेको कार्यदलको बैठकले सहमति गरेपछि शीर्ष नेताहरु बालुवाटारमा भेला भएका छन् । एमाले अध्यक्ष केपी शर्मा ओली बालकोटबाट बालुवाटार हिडिंसकेका छन् । कांग्रेस नेताहरुपनि बालुवाटारमा पुगिसकेका छन् ।

कांग्रेसले लगातार संसद् अवरोध गर्दै आएपछि सरकारको आगामी आर्थिक वर्षको नीति तथा कार्यक्रमदेखि बजेटसम्म प्रभावित भएको छ। 

सरकारले गत जेठ १ गते संघीय संसद्को दुवै सदनमा प्रस्तुत गरेको नीति तथा कार्यक्रममाथिको छलफल हुन सकेको छैन। बजेट अध्यादेशमार्फत् आउनसक्ने चर्चाबीच दलहरू समिति बनाएर संसद्को डेढ लक अन्त्य गर्नेगरी छलफलमा जुटेका हुन्।